Berar ham xudodir, olar ham xudo.
Erkak yig'lamasin davlat ketsa ham.
Hech kimsa bo'lmasin baxtidan judo,
Erkak yig'lamasin omad ketsa ham.
Berganda shukr qil, olganda sabr,
Shoshilib o'zingga qazmagin qabr.
Yigitchilik darsin bitmasdan axir,
Erkak yig'lamasin faqat sinsa ham.
Boshiga tushganda nogoh qaro kun,
Yo'lida uchrasa bir do'st-u sotqin.
Ey hayot, egmagin hech qachon qaddin,
Erkak yig'lamasin savlat ketsa ham.
Pul bor joyda biling do'st bor, dushman bor,
Pul bor joyda biling rost bor, yolg'on bor.
Pul bor joyda biling nafs bor, shayton bor,
Erkak yig'lamasin do'st pand bersa ham.
Boylik adashmoqlik uchunmi ayting?
Boylik hatto baxtdan ustunmi ayting?
Boylik bu hayotga mazmunmi ayting?
Erkak yig'lamasin g'iybat bo'lsa ham.
Kimdir ko'rolmasa turgan joyingni,
Boshing silab mo'ljallasa poyingni.
Ulfat bo'lib og'ulatib choyingni,
Erkak yig'lamasin kim past ketsa ham.
Boshiga ming sinov-sinovat kelsa,
Ko'zdan uyqu qochib halovat ketsa.
Ishlaring yurishmay boshga dard yetsa,
Erkak yig'lamasin rohat ketsa ham.
Yigitga ne kerak bir chin do'st kerak,
Yigitga ne kerak yorug' yuz kerak.
Mol davlati, nomus ori bo'lsa but,
Yigitga ne kerak bir gulyuz kerak.
Dardingni berar ham olar ham o'zi,
Sarg'aymasin qarzdan hech kimning yuzi.
Mehnatdan to'xtama vaqt o'zi qozi,
Erkak yig'lamasin ming qarz bo'lsa ham.
Tirnog'ing ostidan izlab kim illat,
Qilgan yaxshiligin qilsa kim minnat.
Kechagi qarzing deb noming etar past,
Erkak yig'lamasin hurmat ketsa ham.
Dunyoda hech kimdan olmagin qasos,
Xudoga sol qaytar dunyo bordir rost.
Har bir qadamingni doim o'ylab bos,
Erkak yig'lamasin mansab ketsa ham,
Erkak yig'lamasin asab ketsa ham.
Sabr qiling o'tar yo'qchilik kelsa,
Shukr qiling agar to'qchilik kelsa.
O'ksimasin kimdir qalbin sindirsa,
Erkak yig'lamasin niyat ketsa ham.
Berar ham xudodir olar ham xudo
